पुण्यातील पेठांमध्ये गणेशोत्सवाच्या देखाव्यांना संध्याकाळी तुफान गर्दी

जुन्या पुण्याची ओळख असलेल्या पेठांमध्ये यंदाही गणेशोत्सवाचा जोर कायम आहे. रविवार, गणेश, गुरुवार, घोरपडे आणि शुक्रवार पेठेतल्या अनेक मंडळांनी पारंपरिक गणेशोत्सवाबरोबरच वेगवेगळे देखावे उभे केलेत. कुणी पौराणिक आणि धार्मिक प्रसंग जिवंत करून दाखवलेत, तर कुणी सामाजिक विषय, भयपट आणि काल्पनिक कल्पनांवर भर दिलाय. त्यामुळे संध्याकाळनंतर हे देखावे बघायला पेठांमध्ये लोकांची गर्दी लोटतेय.

रविवार पेठेत श्री साईनाथ सत्यनारायण मंदिराजवळच्या उदय मंडळ ट्रस्टने 'हॉरर जंगल' ही थीम साकारलीय, आणि लहान मुलांमध्ये हा देखावा खासच लोकप्रिय ठरतोय. मंडळाचे अध्यक्ष विलास कथलकर यांच्या मार्गदर्शनाखाली कपिल साळुंखे, युवराज जगताप, स्वप्नील सावंत, मयूर साळुंखे, राजेंद्र गिडीतकर, सुरेश वैद्य, अतुल केकाण, अंकुश लातूरकर हे कार्यकर्ते यात सहभागी आहेत. सोमनाथ खोपडे आणि अथर्व खोपडे यांनी देखाव्याची सजावट केलीय.

आदर्श सेवा मंडळ ट्रस्टने अध्यक्ष शैलेश बढाई यांच्या मार्गदर्शनाखाली 'दख्खनचा राजा जोतिबा' हा जिवंत देखावा उभा केलाय, आणि देखाव्यासाठी जमा होणाऱ्या पैशातून वर्षभर सामाजिक उपक्रम राबवले जातात. श्री अखिल कपडगंज गणेशोत्सव मंडळ ट्रस्टने अध्यक्ष किसन पवार यांच्या मार्गदर्शनाखाली काल्पनिक देखावा सादर केलाय, आणि जय गणेश व्यासपीठाच्या माध्यमातून समाजोपयोगी कार्यक्रम घेतले जातात. सहकार तरुण मंडळानेही काल्पनिक देखावा तयार केलाय, अध्यक्ष भाऊसाहेब करपे यांच्या पुढाकाराने विविध सामाजिक उपक्रम चालतात.

श्री सुंदर गणपती तरुण मंडळाने 'वडसिद्ध नागनाथ' हा हलता देखावा सादर केलाय, अध्यक्ष अनिकेत गवळी आणि कार्यकर्त्यांकडून आरोग्य शिबिर, रक्तदान असे उपक्रम राबवले जात आहेत. अमृतमहोत्सवी वर्ष साजरं करणाऱ्या श्री शिवाजी मराठा मंडळ ट्रस्टने 'पंचगंगा शिव मंदिर' हा देखावा उभारलाय. कस्तुरे चौक तरुण मंडळाने 'गरुडारूढ विघ्नहर्ता गणेश' हा देखावा तयार केलाय, आणि शहराच्या पूर्व भागातल्या उंच गणेशमूर्तींपैकी एक म्हणून या मंडळाची ओळख आहे.

गुरुवार पेठेतील झुंजार मित्र मंडळाने 'शिवमहिमा' हा देखावा साकारलाय. श्री मंगल क्लब मित्र मंडळाने 'नरसिंह अवतार' हा जिवंत देखावा सादर केलाय. राजर्षी शाहू चौक गणेशोत्सव मंडळाने 'स्वर्गलोक-नरकलोक' हा देखावा उभा केलाय. या धार्मिक आणि पौराणिक देखाव्यांमुळे या भागात लोकांचं लक्ष वेधलं जातंय.

गणेश पेठेतील मंडळांनी मनोरंजनासोबतच सामाजिक विषयांनाही जागा दिलीय. श्री कृष्ण तरुण मंडळाने अध्यक्ष अजय साळुंके यांच्या मार्गदर्शनाखाली काल्पनिक देखावा सादर केलाय, आणि वर्षभर सामाजिक उपक्रम राबवले जातात. श्री शिवांजली मंडळाने 'गणेश महाल' हा देखावा साकारलाय.

बुधवार पेठेतील नातू चाळीतल्या जिजामाता तरुण मंडळाने 'तुंबाड' या भयपटावर आधारित देखावा सादर केलाय, अध्यक्ष योगेश गंगेकर यांच्या नेतृत्वाखाली कार्यकर्त्यांनी ही कल्पना उभी केलीय. मित्र मंडळाने 'संत तुकाराम वैकुंठगमन' हा देखावा साकारलाय. झुंजार मित्र मंडळाने पुन्हा एकदा 'शिवमहिमा' हा देखावा तयार केलाय, आणि अध्यक्ष विनायक मोरे, सचिन शेलार यांच्या मार्गदर्शनाखाली वर्षभर सामाजिक उपक्रम चालतात. खडक पोलीस लाइन सार्वजनिक गणेशोत्सव मंडळाने 'नाथद्वार' हा देखावा सादर केलाय.

शुक्रवार पेठेतील श्री लाकडी गणपती मंडळाने अध्यक्ष राजवीर आव्हाड यांच्या मार्गदर्शनाखाली 'अष्टविनायक महाल' या संकल्पनेवर आधारित देखावा साकारलाय, आणि वर्षभर सामाजिक उपक्रम राबवले जातात.

घोरपडे पेठेत श्रीमंत एकता तरुण मंडळाने काल्पनिक देखावा सादर केलाय. नेहरू मित्र मंडळाने 'भूत बंगला' हा देखावा तयार केलाय. श्रीमंत सुवर्ण भारत मित्र मंडळाने 'ओम चैतन्य मच्छिंद्रनाथ जन्म' हा देखावा साकारलाय. खडक सार्वजनिक गणेशोत्सव मंडळाने 'बालाजी मंदिर' हा भव्य देखावा सादर केलाय. बालवीर मित्र मंडळाने 'साईबाबा भंडारा-सबका मालिक एक है' हा देखावा तयार केलाय. जय हनुमान मित्र मंडळाने 'चाळीतील गणपती' हा देखावा सादर केलाय.

मामलेदार कचेरी परिसरातील श्री शिवाजी चौक मित्र मंडळाने 'आजचे आम्ही, उद्याचे तुम्ही' हा जिवंत देखावा सादर केलाय. वृद्ध नागरिक आणि वृद्धाश्रम याबद्दल हा देखावा सामाजिक संदेश देतोय. अध्यक्ष विजय जगदाळे यांच्या मार्गदर्शनाखाली कार्यकर्ते विविध समाजोपयोगी कामं करत आहेत.