ऋषिकेशमध्ये बैलाची जोरदार धडक! स्कूटीवरून तरुणी रस्त्यावर कोसळली, डोकं थेट कारवर आदळलं; व्हिडिओ व्हायरल

ऋषिकेशच्या वीरभद्र मार्गावर रस्त्याच्या कडेला दोन बैलांमध्ये झुंज सुरू होती. दोन्ही बैल एकमेकांना भिडत असल्यामुळे तिथून जाणाऱ्या एका माणसाने त्यांना पळवून लावण्याचा प्रयत्न केला. बैल त्या माणसाने हुसकावल्यानंतर तिथून धावत सुटले आणि रस्त्याच्या दुसऱ्या बाजूला जाण्यासाठी वेगाने पळू लागले.

नेमकं त्याचवेळी समोरून एक महिला स्कूटीवरून येत होती. बैल रस्ता ओलांडत असतानाच त्यांच्यापैकी एकाची धडक तिच्या स्कूटीला बसली आणि ती तोल जाऊन रस्त्याच्या कडेला कोसळली. दुर्दैवाने ती ज्या ठिकाणी पडली, तिथेच एक चारचाकी गाडी पार्क केलेली होती. त्यामुळे जमिनीवर आदळताच तिचं डोकं थेट त्या पार्क केलेल्या कारला जाऊन धडकलं. हा संपूर्ण प्रसंग ऋषिकेशच्या वीरभद्र मार्गावर घडल्याचं सांगितलं जात आहे.

या संपूर्ण घटनेचं चित्रीकरण कुणीतरी केलं आणि तो व्हिडिओ सोशल मीडियावर शेअर झाला. व्हिडिओमध्ये कोणत्याही गंभीर दुखापतीची स्पष्ट चिन्हे दिसत नाहीत. आधी बैलाची धडक बसल्यानंतर आणि त्यापाठोपाठ कारवर डोक्याला मार लागूनही, ती तरुणी स्वतःच्या पायावर उभी राहू शकली, ही खरोखर दिलासादायक बाब मानली जात आहे. या घटनेत तिला मोठी इजा झाल्याचं व्हिडिओत दिसून येत नसलं, तरी असा अपघात किती अनपेक्षितपणे घडू शकतो हे यातून स्पष्ट होतं.

हा व्हिडिओ @anshulhindustaanii या इंस्टाग्राम अकाऊंटवरून शेअर करण्यात आला असून त्याला आतापर्यंत दोन लाखांहून अधिक लाईक्स मिळाले आहेत. व्हिडिओ शेअर झाल्यानंतर अनेक युजर्सनी त्यातील दृश्यांवर आपापल्या प्रतिक्रिया कमेंट्समधून नोंदवल्या आहेत. एका युजरने लिहिलं की, "सर्वात मोठी गोष्ट आहे की, हा खाली उतरणार कसा?" तर दुसऱ्या एका युजरने कमेंट केली, "भावाचा जुगाड तर काहीतरी आगळाच आहे." आणखी एका युजरने प्रश्न उपस्थित केला की, "पण मला प्रश्न पडतो की, या बाईकचा फायदा काय होणार?" अशा वेगवेगळ्या प्रतिक्रिया या पोस्टखाली वाचायला मिळत आहेत.

दरम्यान, ही घटना सध्या सोशल मीडियावर चांगलीच चर्चेत असून अपघाताचा व्हिडिओ मोठ्या प्रमाणात व्हायरल होत आहे. रस्त्यावर मोकाट फिरणाऱ्या बैलांमुळे वाहनचालकांना कशा प्रकारे धोका निर्माण होऊ शकतो, याचं हे उदाहरण मानलं जात आहे. रस्त्यावरून जाताना अशा अनपेक्षित परिस्थितीत वाहनचालकांनी अधिक सतर्क राहण्याची गरज असल्याचंही या घटनेवरून अधोरेखित होत आहे.