Swiggy Dineoutच्या GIRF मध्ये आता रवि किशन स्टार, 57 हजार हॉटेल्सवर 50% पर्यंत सूट
स्विगी डाइनआउटने आपला मोठा फेस्टिव्हल यंदा रवि किशन यांच्याभोवती बांधलाय, 84 पेक्षा जास्त शहरांतल्या हजारो हॉटेल्सवर सवलती मिळणार आहेत.
स्विगी डाइनआउटने आपला मुख्य डायनिंग उपक्रम ग्रेट इंडियन रेस्टॉरंट फेस्टिव्हल (GIRF) एका नव्या अवतारात परत आणल्याची घोषणा केली आहे. यंदा या फेस्टिव्हलचं नामांतर करून त्याला 'द ग्रेट इंडियन रवि फेस्टिव्हल' असं नाव देण्यात आलंय. ही संपूर्ण मोहीम रवि किशन यांच्याभोवती उभारली गेलीय, जे सध्या इंटरनेटवर प्रचंड चर्चेत आणि ट्रेंडमध्ये आहेत.
या कॅम्पेनची टॅगलाईन आहे "डिस्काऊंट फॉलोज माय ब्रॉदर". रवि किशन यांचा हा संवाद अलीकडे सोशल मीडियावर प्रचंड व्हायरल झाला होता आणि तोच आता थेट GIRF च्या मुख्य ऑफरशी - म्हणजे भरघोस डायनिंग सवलतींशी - जोडला गेलाय. GIRF ची ही आवृत्ती 14 सप्टेंबर 2026 पासून 24 ऑक्टोबर 2026 पर्यंत सुरू राहणार आहे.
या फेस्टिव्हलमध्ये ग्राहकांना भारतातल्या 84 पेक्षा जास्त शहरांतल्या 57,000 हून अधिक रेस्टॉरंट्समध्ये 50% पर्यंत सूट मिळू शकते. यात कॅफे, पब्स, बार, लक्झरी डायनिंग प्लेस आणि फॅमिली रेस्टॉरंट्स अशा सगळ्या प्रकारच्या हॉटेल्सचा समावेश आहे. याशिवाय सगळ्या HDFC बँक कार्ड्सवर ग्राहकांना अतिरिक्त 10% ची तात्काळ सवलत मिळणार आहे. त्याचबरोबर डाइनआउटवरून केलेल्या प्रत्येक बुकिंगवर 10% रक्कम डाईनकॅश स्वरूपात परत मिळेल.
GIRF चं नाव बदलणं हा फक्त ब्रँडिंगचा भाग नाही, तर ऑनलाइन सुरू असलेल्या एका मोठ्या ट्रेंडला दिलेला हा प्रतिसाद आहे, असं कंपनीचं म्हणणं आहे. रवि किशन हे भारतीय सिनेसृष्टीतलं अनेक दशकांपासूनचं ओळखीचं नाव आहे, आणि अलीकडच्या काळात त्यांचे संवाद, हावभाव आणि स्टाईल यांचे रिमिक्स सोशल मीडियावर मोठ्या प्रमाणात शेअर होत आहेत. या ट्रेंडचा फक्त वापर न करता स्विगी डाइनआउटने त्याभोवती संपूर्ण फेस्टिव्हल उभा केलाय.
या मोहिमेत रवि किशन हे नुसते ब्रँड ॲम्बेसेडर न राहता संपूर्ण फेस्टिव्हलचा चेहरा, आवाज आणि व्यक्तिमत्त्व बनले आहेत. मुख्य कॅम्पेन फिल्ममध्ये त्यांना एका तत्त्वज्ञासारखं दाखवलंय, जो स्वतःच्या खास शैलीत जगण्याचं ज्ञान देतो. "जल्दी द लेट" आणि "होम फ्रॉम वर्क" यांसारखे इंटरनेटवर लोकप्रिय झालेले संदर्भही त्यांच्या फॅन्सच्या आवडत्या कंटेंटला डायनिंग आउटच्या जगाशी जोडतात.
याबद्दल बोलताना स्विगी डाइनआउटचे AVP मार्केटिंग आणि महसूल ध्रुविश ठक्कर म्हणाले, "GIRF ही भारतातल्या सगळ्यात मोठ्या डायनिंग चळवळींपैकी एक आहे आणि दरवर्षी ग्राहक जिथे असतील तिथे त्यांच्यापर्यंत पोहोचणं हे आमचं ध्येय असतं. गेल्या काही वर्षांत आम्ही GIRF साठी ट्रेंडिंग सेलिब्रिटी आणि इंटरनेट आयकॉन्ससोबत भागीदारी केलीय. यावेळी आम्ही एक पाऊल पुढे जाऊन GIRF चं नामांतर 'ग्रेट इंडियन रवि फेस्टिव्हल' असं केलंय. रवि किशन सध्या फक्त चर्चेत नाहीत, तर ते स्वतःच एक ट्रेंड बनलेत आणि गेल्या काही आठवड्यांपासून सोशल मीडियावर सतत ट्रेंड करतायत. त्यामुळे फक्त त्या लाटेवर स्वार होण्याऐवजी आम्ही या वर्षीचा संपूर्ण फेस्टिव्हल त्यांच्याभोवती तयार करायचं ठरवलं. सवलत खरोखरच भावाला फॉलो करते, आणि GIRF च्या या नव्या रूपाला मोठा प्रेक्षकवर्ग पसंत करेल अशी आम्हाला आशा आहे."
हा फेस्टिव्हल दिल्ली, मुंबई, बंगळुरू, हैदराबाद, कोलकाता आणि चेन्नई यांसारख्या मोठ्या डायनिंग शहरांसह गोवा, जयपूर, इंदूर, कोइम्बतूर, चंदीगड, लखनौ आणि उदयपूर यांसारख्या उदयोन्मुख खाद्यसंस्कृतीच्या शहरांमध्येही पसरलेला आहे. या आवृत्तीत गुड फ्लिपीन बर्गर्स, पंजाब ग्रिल, यूमी, वन 8 कम्युन, मेनलँड चायना, पॅराडाईज बिर्याणी आणि ॲब्सोल्यूट बारबेक्यू यांसारखे लोकप्रिय ब्रँड्सही सहभागी झाले आहेत.
'द ग्रेट इंडियन रवि फेस्टिव्हल' डिजिटल, सोशल आणि क्रिएटर इकोसिस्टमसह डाइनआउट प्लॅटफॉर्मवरच्या इन-ॲप स्टोरीटेलिंग फॉरमॅट्समध्येही रोल आउट केला जाणार आहे. यात रवि किशन यांना अशा पद्धतीने समाविष्ट केलंय की सध्या ते इंटरनेटवर जितके सर्वत्र दिसतात, तितकेच या फेस्टिव्हलमध्येही जाणवतील.
