मारुती सुझुकीच्या स्विफ्ट, बलेनो, डिझायरला आता CNG सोबत AMT पर्याय, किंमत 7.92 लाखांपासून सुरू
मारुती सुझुकीने स्विफ्ट, बलेनो आणि डिझायर या तिन्ही गाड्यांमध्ये पहिल्यांदाच CNG आणि AMT हे दोन्ही पर्याय एकत्र दिले आहेत.
मारुती सुझुकी या देशातील आघाडीच्या कार कंपनीने आपल्या तीन लोकप्रिय गाड्यांमध्ये मोठा बदल केलाय. स्विफ्ट, बलेनो आणि डिझायर या तिन्ही मॉडेल्समध्ये आता CNG आणि AMट हे दोन्ही पर्याय एकत्र मिळणार आहेत. म्हणजेच CNG गाडी घेणाऱ्या ग्राहकांनाही आता ऑटोमॅटिक चालवण्याची सोय मिळेल.
आत्तापर्यंत या तिन्ही गाड्यांच्या CNG व्हेरियंटमध्ये फक्त मॅन्युअल ट्रान्समिशनचाच पर्याय होता. त्यामुळे CNG गाडी घ्यायची असेल तर क्लच आणि गिअर स्वतःच सांभाळावे लागायचे. आता कंपनीने या तिन्ही मॉडेल्सना 5-स्पीड ऑटो गिअर शिफ्ट ट्रान्समिशन, म्हणजेच AMट देऊ केलंय.
नव्या CNG AMट मॉडेल्समध्ये चालकाला टू-पेडल ड्रायव्हिंगचा अनुभव मिळणार आहे, म्हणजे गाडी चालवताना क्लच पेडल वापरायची गरजच नाही. गिअर बदलण्याचं काम AMट सिस्टीम आपोआप करते. यामुळे खासकरून शहरातल्या ट्रॅफिकमध्ये गाडी चालवताना चालकाचा त्रास कमी होऊ शकतो. शिवाय गरज पडल्यास चालकाला मॅन्युअल पद्धतीने गिअर बदलण्याचाही पर्याय उपलब्ध आहे. म्हणजे ऑटोमॅटिकची सोय आणि मॅन्युअल कंट्रोल दोन्ही एकाच गाडीत मिळतात.
स्विफ्ट, बलेनो आणि डिझायर CNG AMट या तिन्ही गाड्यांमध्ये कंपनीने सारखंच 1.2-लिटर Z12E पेट्रोल इंजिन दिलंय. या इंजिनसोबत Dual Variable Valve Timing आणि Idle Start Stop अशी टेक्नॉलॉजी देण्यात आलीय. Idle Start Stop टेक्नॉलॉजीमुळे गाडी थांबलेली असताना इंजिन आपोआप बंद होतं आणि गाडी पुढे न्यायची असेल तेव्हा पुन्हा सुरू होतं. यामुळे शहरातल्या वापरात इंधन कार्यक्षमता चांगली राहील, अशी अपेक्षा आहे.
किंमतीबद्दल बोलायचं झालं तर, मारुती सुझुकी स्विफ्ट CNG AMटची सुरुवातीची किंमत 7.92 लाख रुपये आहे. स्विफ्ट ही कंपनीच्या सगळ्यात लोकप्रिय हॅचबॅकपैकी एक आहे, आणि आता या गाडीत CNG सोबत ऑटोमॅटिक ट्रान्समिशनचाही पर्याय मिळणार आहे.
बलेनो CNG AMटची सुरुवातीची किंमत 8.32 लाख रुपये आहे. प्रीमियम हॅचबॅक सेगमेंटमध्ये लोकप्रिय असलेल्या बलेनोमध्ये CNG आणि AMट दोन्ही आल्यामुळे या गाडीकडेही ग्राहकांचं लक्ष जाण्याची शक्यता आहे.
डिझायर CNG AMटची सुरुवातीची किंमत 8.53 लाख रुपये आहे. डिझायर ही भारतातली लोकप्रिय कॉम्पॅक्ट सेडान आहे, आणि CNG सोबत AMट पर्याय मिळाल्यामुळे रोजच्या शहरी वापरासाठी ग्राहकांना आणखी एक पर्याय मिळालाय.
इंधनाचा खर्च कमी ठेवायचा आणि सोबत ऑटोमॅटिक चालवायची सोयही हवी, अशी मागणी ग्राहकांमध्ये वाढतेय. या पार्श्वभूमीवर स्विफ्ट, बलेनो आणि डिझायर या तिन्ही लोकप्रिय गाड्यांमध्ये CNG आणि AMटची सांगड घालण्याचा कंपनीचा निर्णय महत्त्वाचा ठरतोय. आता CNG गाडी घेणाऱ्या ग्राहकांना फक्त मॅन्युअल ट्रान्समिशनवर अवलंबून न राहता AMटचा पर्यायही निवडता येणार आहे.
