पिठोरी अमावस्येनिमित्त नातेवाईकांना द्या मराठमोळ्या शुभेच्छा! देवी पार्वतीच्या कृपेने घरात नांदो सुख-समृद्धी

गणपती बाप्पाच्या आगमनाला आता फार दिवस उरलेले नाहीत, आणि त्याआधी श्रावण महिन्याच्या शेवटच्या दिवशी येणारी अमावस्या म्हणजे पिठोरी अमावस्या. श्रावण महिना संपता संपता येणाऱ्या या अमावस्येला हिंदू परंपरेत खास स्थान आहे. या दिवसाला मातृदिन म्हणूनही खास महत्त्व असतं, म्हणजेच हा दिवस खास आईंसाठी असतो. आई आपल्या मुलांच्या दीर्घायुष्यासाठी आणि तब्येतीसाठी या दिवशी व्रत करते, आणि आपल्या लेकरांचं भलं व्हावं यासाठी मनोभावे प्रार्थना करते.

'पिठोरी' या शब्दामागचा अर्थ म्हणजे पिठापासून बनवलेल्या मूर्ती. या दिवशी पिठापासून चौसष्ट योगिनी आणि सप्तमातृकांच्या मूर्ती तयार करून मनोभावे पूजा केली जाते. या पूजेमागे एक खास हेतू असतो, तो म्हणजे वंशवृद्धी व्हावी आणि मुलांचं रक्षण व्हावं यासाठीही या दिवशी प्रार्थना केली जाते. पिठोरी अमावस्या मुख्यतः ग्रामीण भागात मोठ्या प्रमाणात साजरी केली जाते, आणि तिथल्या घराघरात या दिवसाला विशेष महत्त्व दिलं जातं. या दिवशी ब्राह्मी, माहेश्वरी, कौमारी, वैष्णवी, वाराही, इंद्राणी, चामुंडा अशा देवींची पूजा करण्याची प्रथा आहे, आणि या सगळ्या देवींना नमन करूनच सण साजरा केला जातो. या निमित्ताने नातेवाईकांना मराठमोळ्या शुभेच्छा पाठवून हा आनंद साजरा करता येईल.

आई ही आमची पहिली गुरू, तिच्यापासूनच आमचं अस्तित्व सुरू होतं. पिठोरी अमावस्या आणि मातृदिनाच्या हार्दिक शुभेच्छा! मुलांच्या उज्ज्वल भविष्यासाठी आणि दीर्घायुष्यासाठी व्रत करणाऱ्या सगळ्या आयांना मनःपूर्वक शुभेच्छा. देवी पार्वतीच्या कृपेने घरात सुख-शांती आणि समृद्धी नांदो.

आई म्हणजे मायेचा ठेवा, आई म्हणजे अमृतासारखा गोडवा, आई म्हणजे पावसाची ओल आणि सुखाचा गारवा. पिठोरी अमावस्येच्या हार्दिक शुभेच्छा.

न मागता भरभरून मिळालेलं दान म्हणजे 'आई', आणि विधात्याच्या कृपेचं निर्भेळ वरदान म्हणजेही 'आई'. पिठोरी अमावस्येनिमित्त शुभेच्छा.

चौसष्ट योगिनींच्या आशीर्वादाने तुमच्या घरात सुख, समृद्धी आणि आरोग्य नांदत राहो, हीच पिठोरी अमावस्येनिमित्त मनःपूर्वक सदिच्छा.

आई ही फक्त शरीर नसते, ती असते ओंजळभर माया. सगळ्या आया आणि त्यांच्या कुटुंबाला पिठोरी अमावस्येच्या हार्दिक शुभेच्छा.

अंधारही दूर करणारा प्रकाश म्हणजे तू, शेवटच्या क्षणापर्यंत कुशीत विसावा देणारी म्हणजेही तूच. पिठोरी अमावस्येच्या शुभेच्छा.

आईची माया आणि तिचा मायेचा स्पर्श तुमच्या आयुष्यात कायम आनंद आणि हर्ष घेऊन येवो. पिठोरी अमावस्येच्या हार्दिक शुभेच्छा.

आईच्या चरणी स्वर्गसुख असतं, तिच्या आशीर्वादाने भविष्याचा मार्ग उजळून निघो. पिठोरी अमावस्येच्या खूप खूप शुभेच्छा.

कठीण काळातही खंबीरपणे पाठीशी उभ्या राहणाऱ्या सगळ्या आयांना मानाचा मुजरा. पिठोरी अमावस्येच्या हार्दिक शुभेच्छा.

श्रावणातील या पवित्र अमावस्येला तुमच्या घरातलं सगळं दुःख आणि दारिद्र्य दूर होवो, आणि सुख-समृद्धीचा नवा प्रकाश घरात येवो. पिठोरी अमावस्येनिमित्त भावपूर्ण शुभेच्छा.