मिरे अॅसेटचा नवा आयटी इंडेक्स फंड, ५,००० रुपयांत गुंतवणुकीची संधी

मिरे अॅसेट इन्वेस्टमेंट मॅनेजर्स (इंडिया) प्रायव्हेट लिमिटेड या कंपनीने आयटी क्षेत्रात गुंतवणूक करू इच्छिणाऱ्यांसाठी नवीन योजना बाजारात आणली आहे. कंपनीने मिरे अॅसेट बीएसई इन्फॉर्मेशन टेक्नॉलॉजी इंडेक्स फंड लाँच केल्याची घोषणा केली. ही एक ओपन-एंडेड योजना असून ती बीएसई इन्फॉर्मेशन टेक्नॉलॉजी टोटल रिटर्न इंडेक्सचं अनुकरण म्हणजेच ट्रॅकिंग करते.

या फंडामुळे गुंतवणूकदारांना एकाच इंडेक्स-ट्रॅकिंग उत्पादनाद्वारे भारतातील संपूर्ण तंत्रज्ञान क्षेत्रात पोहोचता येणार आहे. यात आयटी सेवा, सॉफ्टवेअर उत्पादने, आयटी-सक्षम सेवा आणि हार्डवेअर कंपन्या अशा वेगवेगळ्या भागांचा समावेश असून हा प्रवेश पॅसिव्ह आणि नियमांवर आधारित पद्धतीने दिला जातो.

या फंडाचा न्यू फंड ऑफर म्हणजे एनएफओ ८ सप्टेंबर २०२६ रोजी सुरू होईल आणि २२ सप्टेंबर २०२६ रोजी बंद होईल. त्यानंतर २८ सप्टेंबर २०२६ पासून ही योजना सतत विक्री आणि पुनर्खरेदीसाठी पुन्हा सुरू केली जाणार आहे.

मिरे अॅसेट इन्वेस्टमेंट मॅनेजर्स (इंडिया) प्रायव्हेट लिमिटेडचे ईटीएफ प्रॉडक्ट्स हेड आणि फंड मॅनेजर सिद्धार्थ श्रीवास्तव यांनी सांगितलं की, "डॉट-कॉम क्रॅशपासून ते कोविड-१९ पर्यंत, भारतातील आयटी क्षेत्राने अनेक तंत्रज्ञान चक्रांची परीक्षा दिली आहे आणि प्रत्येक वेळी हा उद्योग परिस्थितीशी जुळवून घेत अधिक दृढ होऊन समोर आला आहे. आमचा विश्वास आहे की, कृत्रिम बुद्धिमत्ता (एआय) हे भारतातील आयटी कंपन्या प्रदान करत असलेल्या मूलभूत मूल्यांमधील व्यत्यय नसून एक असाच बदल दर्शवते."

त्यांनी पुढे म्हटलं, "हे क्षेत्र एका महत्त्वाच्या टप्प्यावर आले असताना, मिरे अॅसेट बीएसई इन्फॉर्मेशन टेक्नॉलॉजी इंडेक्स फंडचे उद्दिष्ट गुंतवणूकदारांना एआय-संबंधित सेवांमधील प्रगतीच्या नेतृत्वाखालील उद्योगातील संभाव्य वाढीच्या पुढील टप्प्यात सहभागी होण्याची संधी देणे हे आहे."

बीएसई इन्फॉर्मेशन टेक्नॉलॉजी इंडेक्स हा बीएसई ऑलकॅप विश्वातून तयार केला गेला असून त्यात ७८ कंपन्यांमधील संधींचा समावेश आहे. यामुळे सॉफ्टवेअर व कन्सल्टिंग, आयटी-सक्षम सेवा, सॉफ्टवेअर उत्पादने, संगणक हार्डवेअर आणि उपकरणे या क्षेत्रांमध्ये निफ्टी आयटी इंडेक्सच्या तुलनेत अधिक विविधतापूर्ण पोर्टफोलिओ मिळतो.

हा इंडेक्स अधिक संतुलित मार्केट-कॅप मिश्रण देखील देतो. यात लार्ज-कॅप्सचं प्रमाण अंदाजे ७२ टक्के आहे तर मिड आणि स्मॉल-कॅप्स मिळून उर्वरित २८ टक्के भाग व्यापतात. याउलट निफ्टी आयटी इंडेक्समध्ये लार्ज-कॅप्सकडे झुकलेलं ८०:२० हे प्रमाण आहे. यामुळे या फंडात गुंतवणूकदारांना प्रस्थापित आयटी कंपन्यांसोबतच नव्याने उदयास येणाऱ्या आणि वेगाने वाढणाऱ्या तंत्रज्ञान कंपन्यांमध्येही सहभागी होण्याची संधी मिळते.

या इंडेक्स फंडात किमान ५,००० रुपये गुंतवावे लागतील आणि त्यानंतर १ रुपयाच्या पटीत रक्कम गुंतवता येईल. या फंडाचं व्यवस्थापन श्री. रितेश पटेल आणि श्री. अक्षय उदेशी हे करणार आहेत.