Hero Glamour X : 125cc सेगमेंटमधली पहिली इंटिग्रेटेड ABS बाईक, किंमत 1.01 लाख रुपये
Hero MotoCorp कंपनीने Glamour X या बाईकचं नवं व्हर्जन बाजारात आणलंय, ज्यात Integrated ABS सारखं सेफ्टी टेक्नॉलॉजी पहिल्यांदाच 125cc सेगमेंटमध्ये मिळतंय.
छायाचित्रे सत्यापित केलेली नाहीत
125cc सेगमेंटमधल्या दुचाकींमध्ये स्पर्धा दिवसेंदिवस वाढतेय आणि याच स्पर्धेत Hero MotoCorp ने आपली लोकप्रिय Glamour X ही बाईक अपग्रेड करून नव्याने लाँच केलीय. या नव्या व्हर्जनचं नाव आहे Glamour X with Integrated ABS. कंपनीने दावा केलाय की 125cc सेगमेंटमध्ये Integrated ABS टेक्नॉलॉजी देणारी ही देशातली पहिलीच बाईक आहे. या नव्या बाईकची एक्स-शोरूम किंमत सुरुवातीला 1,01,000 रुपये इतकी ठेवण्यात आलीय.
या बाईकचं सगळ्यात महत्त्वाचं फीचर म्हणजे तिच्यातलं Integrated ABS सेफ्टी टेक्नॉलॉजी. वेगवेगळ्या रस्त्यांवर ब्रेक मारताना बाईकला जास्त स्थिरता आणि कंट्रोल मिळावं यासाठी ही सिस्टीम बनवलेली आहे. अचानक ब्रेक मारावा लागला तर ब्रेकिंग परफॉर्मन्स सुधारायला आणि ब्रेकिंग डिस्टन्स कमी करायला या टेक्नॉलॉजीचा उपयोग होतो. यासोबतच बाईकला Panic Brake Alert आणि Hazard Lamps सारखी सेफ्टी फीचर्सही दिली आहेत. इमर्जन्सीच्या वेळी जोरात ब्रेक मारला तर मागून येणाऱ्या गाड्यांना अलर्ट करण्यासाठी LED विंकर्स पटापट फ्लॅश होतात.
डिझाइनच्या बाबतीत बोलायचं झालं तर नव्या Glamour X मध्ये मस्क्युलर आणि स्पोर्टी लूक दिलाय. बाईकवर आकर्षक स्पोर्टी ग्राफिक्स आहेत आणि 'H' सिग्नेचर असलेली Full LED Lighting तिच्या लूकला अजून उठाव देते. या बाईकसाठी कंपनीने Gun Metal Grey आणि Mat Axis Grey असे दोन नवे कलर आणलेत. सोबतच Black Pearl Red आणि Black Teal Blue हे आधीपासून असलेले कलर ऑप्शनही कायम ठेवलेत.
टेक्नॉलॉजीच्या बाबतीत नव्या Glamour X मध्ये 10.7 सेंटीमीटरचा Adaptive Multi Colour Console दिलाय. या डिजिटल कन्सोलमध्ये 60 पेक्षा जास्त स्मार्ट फीचर्स आहेत. यात Bluetooth Connectivity, Turn by Turn Navigation, ETA Display आणि Call/SMS Alerts यांचा समावेश होतो. याशिवाय रायडरला Gear Shift Advisory, Distance to Empty आणि Real Time Mileage Indicator अशी माहितीही मिळते.
परफॉर्मन्ससाठी या बाईकमध्ये Sprint EBT इंजिन बसवलंय, जे 8,250 RPM वर 11.4 bhp इतकी पॉवर देतं. इंजिनची पॉवर डिलिव्हरी स्मूथ राहावी आणि नॉइज, व्हायब्रेशन तसंच हार्शनेस म्हणजेच NVH कमी राहावा, यावरही कंपनीने लक्ष दिलंय. रायडरला गरजेनुसार Eco, Road आणि Power अशा तीन राइडिंग मोडपैकी एक निवडता येतो. लांबच्या प्रवासात राइडिंग जास्त आरामदायी व्हावी आणि सतत थ्रॉटल धरून ठेवण्याचा त्रास कमी व्हावा म्हणून Cruise Control हे फीचरही दिलंय.
सेफ्टी, स्मार्ट कनेक्टिव्हिटी, स्पोर्टी डिझाइन आणि 125cc इंजिन अशा सगळ्या गोष्टींचा मेळ घालत Hero MotoCorp ने ही बाईक प्रीमियम फीचर्ससह बाजारात उतरवलीय. 1,01,000 रुपये या सुरुवातीच्या एक्स-शोरूम किमतीत मिळणारी ही बाईक 125cc सेगमेंटमध्ये नवी दुचाकी घ्यायचा विचार करणाऱ्या ग्राहकांसाठी चांगला पर्याय ठरू शकते.
