Palmistry: वारंवार आजारी पडता? हातावरील 'ही' रेषा सांगते तुमच्या आरोग्याचे गुपित

काही जणांची तब्येत वर्षभर उत्तम राहते, तर काही जण एका आजारातून उठले की लगेच दुसऱ्या दुखण्यात अडकतात. असे लोक एका आजारातून बरे होतात, पण काही दिवसांतच त्यांना दुसऱ्या आजाराचा सामना करावा लागतो आणि त्यांना वर्षभर आरोग्याच्या काही ना काही समस्या जाणवत राहतात. हस्तरेखाशास्त्रानुसार याचं उत्तर तळहातावरच लपलेलं असतं. तळहातावरील आरोग्य रेषा तुमची तब्येत नेमकी कशी राहणार हे सांगते, असा दावा हस्तरेखाशास्त्रात केला जातो.

ही रेषा नसणंच खरं तर चांगलं मानलं जातं, हातावर ती असण्यापेक्षा नसणं जास्त चांगलं समजलं जातं. ज्या हातावर आरोग्य रेषा दिसत नाही, ती व्यक्ती इतरांपेक्षा जास्त निरोगी असू शकते. उदाहरणादाखल सांगायचं झालं तर, एखाद्या किशोरवयीन मुला-मुलीच्या हातावर बहुतेकवेळा ही रेषा दिसत नाही, पण तरुण वयातल्या पुरुष किंवा स्त्रीच्या हातावर ती दिसू शकते. याचा अर्थ त्या किशोरवयीन मुला-मुलीची तब्येत त्या तरुण व्यक्तीपेक्षा जास्त चांगली असते.

या रेषेला बुध रेषा असंही म्हटलं जातं, कारण ती बुध पर्वताच्या दिशेने जाते. मनगटाजवळून किंवा जीवन रेषेतून सुरू होऊन बुध पर्वताकडे जाणारी रेषा म्हणजे आरोग्य रेषा आणि ती बुध रेषेचा प्रभाव देखील दाखवते. ही रेषा तयार झाली की माणसाने आपल्या तब्येतीबाबत जरा जपून राहायला हवं, असं सांगितलं जातं. सांधेदुखी, संधिवात, यकृताचे त्रास, पचनाचे विकार आणि आमवात असणाऱ्या लोकांच्या हातावर ही रेषा सहसा दिसते.

रेषेच्या आकारावरूनही बरंच काही सांगितलं जातं. ही रेषा सापासारखी नागमोडी असेल, तर तब्येत सतत बिघडलेली राहते आणि वर्षभर काही ना काही त्रास पाठ सोडत नाही, असं मानलं जातं. रेषेवर बेटासारखा आकार तयार झाला किंवा ती साखळीसारखी दिसू लागली, तर फुफ्फुसाशी संबंधित त्रास आणि दम्याचा त्रास होण्याची शक्यता वर्तवली जाते.

ज्यांच्या हातावर ही रेषा मध्येच तुटलेली दिसते, त्यांना अनेकदा पोट आणि पचनाशी संबंधित त्रास होऊ शकतो, त्यातून वेदनाही होऊ शकतात असं सांगितलं जातं. तर रेषा वाकडी असेल, तर यकृताशी संबंधित आजार किंवा त्रास होण्याची शक्यता जास्त असते, त्यामुळे अशा व्यक्तींनी यकृताची विशेष काळजी घ्यावी, असा सल्ला हस्तरेखाशास्त्रात दिला जातो.

टीप: हस्तरेखाशास्त्र, ज्योतिष यासंबंधीची माहिती केवळ वाचकांच्या माहितीसाठी दिली जात आहे. यासंबंधी कोणताही निर्णय घेण्यापूर्वी किंवा प्रयोग करण्यापूर्वी तज्ज्ञांचा सल्ला घेणं गरजेचं आहे.