गुरु गोचर: कर्क राशीत गुरु-मंगळ युती, नीचभंग राजयोगाने ४ राशींना होणार फायदा

ज्योतिषशास्त्रात गुरु ग्रह म्हणजे बृहस्पति आणि सेनापती मानला जाणारा मंगळ ग्रह यांची युती अत्यंत खास मानली जाते. या युतीला गुरु-मंगल योग किंवा गुरु-सेनापती योग असं म्हटलं जातं. द्रिक पंचांगाप्रमाणे ही खगोलीय घटना १८ सप्टेंबरला घडणार असून, त्यादिवशी मंगळ मिथुन राशीतून बाहेर पडून कर्क राशीत प्रवेश करणार आहे. नेमकं याचवेळी गुरुही कर्क राशीतच असणार असल्यामुळे दोन्ही ग्रहांची युती जुळून येणार आहे.

ही युती वेगळी आणि फायद्याची ठरणार आहे, कारण कर्क राशीत गुरु उच्च स्थानी असतो, तर मंगळ याच राशीत नीच स्थानी असतो. दोन ग्रहांच्या या स्थितीमुळे मंगळासाठी नीचभंग राजयोग तयार होतो. गुरु हा ज्ञानाचं प्रतीक मानला जातो, तर मंगळ शौर्याचं प्रतीक आहे. त्यामुळे या योगाच्या प्रभावाखाली कमी मेहनतीतही मोठं यश हाती लागू शकतं, आणि भाग्य व शौर्य यांची अशी जोड मिळाल्याने अपेक्षित यश मिळण्याची शक्यता वाढते. या युतीचा फायदा नेमक्या कोणत्या राशींना होणार, हे पाहूया.

मेष राशीसाठी हा काळ खूप चांगला ठरू शकतो, कारण मंगळ हाच मेष राशीचा मालक ग्रह आहे. घर, प्लॉट किंवा नवी गाडी घ्यायचा विचार असणाऱ्यांचं स्वप्न पूर्ण होऊ शकतं. आई, आत्या आणि काका यांच्याशी नातं आणखी घट्ट होईल. घरात एखादी आनंदाची बातमी येऊ शकते. नोकरी करणाऱ्यांना बढती मिळू शकते किंवा हाती मोठी जबाबदारी येऊ शकते.

गुरु-मंगळाची ही युती खुद्द कर्क राशीतच होणार असल्याने साहजिकच याचा सगळ्यात जास्त परिणाम कर्क राशीच्या लोकांवर होईल. तब्येत चांगली राहील आणि नेतृत्वगुण अजून खुलतील. नवा व्यवसाय सुरू करायचं ज्यांच्या मनात आहे, त्यांची इच्छा पूर्ण होऊ शकते. नोकरी बदलायचा प्रयत्न करणाऱ्यांनाही यश मिळेल. समाजातली पत वाढेल, तर मनातला ताण आणि गोंधळ कमी होईल.

कन्या राशीच्या लोकांसाठी ही युती चालू असलेल्या विकासकामांना नवी गती आणि उभारी देऊ शकते. उत्पन्नाची नवी साधनं तयार होतील, त्यामुळे कमाईत वाढ होण्याची शक्यता आहे. अचानक पैसा हाती येऊ शकतो, तसंच वडिलोपार्जित मालमत्तेचाही फायदा मिळू शकतो. व्यवसाय करणाऱ्यांसाठीही हा काळ फायद्याचा ठरेल, एखाद्या मोठ्या कराराने त्यांची कमाई वाढेल. घरातल्यांच्या पाठिंब्यामुळे एखादी लांबलेली इच्छा पूर्ण होऊ शकते.

तूळ राशीच्या लोकांसाठी गुरु-मंगळाची ही युती खूपच शुभ ठरणार आहे. करिअरमध्ये पुढे जायला नव्या संधी मिळतील, बढती मिळण्याचीही शक्यता आहे. हवं त्या ठिकाणी बदली होऊ शकते. अडकलेल्या एखाद्या प्रोजेक्टची फाईल पुढे सरकू शकते. खाजगी असो किंवा सरकारी नोकरी, वरिष्ठांकडून पूर्ण पाठिंबा मिळू शकतो. अडकलेले किंवा हातातून गेलेले पैसे परत मिळण्याचीही शक्यता आहे.