छोट्या व्यावसायिकांसाठी अमेज़न पे आणि कोटक महिंद्राचे नवे बिझनेस क्रेडिट कार्ड

एकल व्यावसायिक आणि छोट्या व्यावसायिकांसाठी अमेज़न पे आणि कोटक महिंद्रा बँकेने ("केएमबीएल") मिळून एक नवं क्रेडिट कार्ड आणलं आहे. या कार्डाचं नाव आहे अमेज़न पे कोटक बिझनेस क्रेडिट कार्ड. भारतातील लाखो व्यवसायांना सेवा देणारा डिजिटल खरेदी प्लॅटफॉर्म असलेल्या अमेज़न बिझनेसवर नोंदणी केलेल्या ग्राहकांना हे कार्ड मिळणार आहे.

या कार्डावर कॅशबॅक रिवॉर्ड्स आणि अतिरिक्त व्याजमुक्त क्रेडिट कालावधी दिला जाणार आहे. यामुळे उद्योजकांना आपलं खेळतं भांडवल शाबूत ठेवत व्यावसायिक खरेदी अधिक सोप्या पद्धतीने मॅनेज करता येईल.

भारतातील सूक्ष्म, लघू आणि मध्यम उद्योग म्हणजेच एमएसएमई क्षेत्रात उद्यम पोर्टलवर नोंदणी झालेले ९.४ कोटींपेक्षा जास्त व्यवसाय आहेत. हे व्यवसाय देशाच्या जीडीपीमध्ये ३०% पेक्षा जास्त वाटा उचलतात. तरीही अनेक छोट्या व्यावसायिकांना त्यांच्या गरजेनुसार खास तयार केलेली क्रेडिट प्रोडक्ट्स अजून मिळत नाहीत. आता व्यावसायिक डिजिटल खरेदी, जीएसटी-सुसंगत नोंदणी आणि व्यवस्थित आर्थिक प्रक्रिया वापरू लागल्याने, त्यांचा खर्च, रोख प्रवाह आणि रोजचं काम अधिक चांगल्या पद्धतीने सांभाळणाऱ्या सुविधांची मागणी वाढते आहे.

अमेज़न पे इंडियाचे संचालक (क्रेडिट अँड लेंडिंग) मयंक जैन यांनी सांगितलं, "अमेज़न पेने लाखो भारतीय ग्राहकांसाठी क्रेडिट सुविधा आधीच सोपी करून दिली आहे. आता आम्ही तेच छोट्या व्यावसायिकांसाठीही करतो आहोत. हे कार्ड अमेज़न बिझनेसच्या ७०% ग्राहक वर्ग असलेल्या एकल व्यावसायिक आणि लहान व्यावसायिकांपर्यंत पोहोचवलं जातंय. या लहान व्यावसायिकांच्या गरजा आणि अमेज़न बिझनेसवरील खरेदीवर पारदर्शक रिवॉर्ड्स व क्रेडिटची उपलब्धता लक्षात घेऊनच हे कार्ड बनवलं आहे. कोटक महिंद्रा बँकेसोबत भागीदारी करून आम्ही अ‍ॅमेझॉनची लाखो व्यवसायांपर्यंतची पोहोच आणि कोटकचं एसएमई कर्जांमधलं कौशल्य एकत्र आणतोय, जेणेकरून देशभरातील उद्योजकांना एक चांगला आर्थिक पर्याय मिळू शकेल."

कोटक महिंद्रा बँकेच्या क्रेडिट कार्ड्स विभागाचे प्रमुख फ्रेडरिक डिसोझा म्हणाले, "लहान व्यवसाय हे भारतीय अर्थव्यवस्थेचं इंजिन आहेत. मर्यादित संसाधनं आणि कर्मचारी असूनही ते प्रत्येक शहरात वस्तूंचा पुरवठा करतात, रोजगार निर्माण करतात आणि व्यापार सुरू ठेवतात. त्यांची उद्योजकता खरंच कौतुकास्पद आहे आणि या आत्मविश्वासाला योग्य साधनांची साथ मिळायला हवी. या व्यवसायांच्या रोजच्या कामकाजाच्या पद्धतीनुसारच हे कार्ड फायदा देईल, ज्यामध्ये रोख प्रवाह सोपा करणारा व्याजमुक्त क्रेडिट कालावधी, मोठ्या खरेदीसाठी नो-कॉस्ट ईएमआय, आणि व्यवसायाच्या वाढीसाठी आधीच होणाऱ्या खर्चावर कॅशबॅक यांचा समावेश आहे. अमेज़न पेच्या माध्यमातून, आधीच विश्वास असलेल्या प्लॅटफॉर्मवरून ही सुविधा देशभरातील व्यवसायांपर्यंत पोहोचवता येते आहे."