एबीडीने बाजारात आणली 'द इंडियन एडिट' ही प्रीमियम व्हिस्की

भारतातील आघाडीच्या स्पिरिट्स कंपन्यांपैकी एक असलेल्या अलाइड ब्लेंडर्स अँड डिस्टिलर्स लिमिटेड (एबीडी) यांनी नागपुरात 'द इंडियन एडिट' या नव्या प्रीमियम व्हिस्कीची घोषणा केली.

आजची भारतीय यशस्वीता ही परंपरा आणि बदलत्या संस्कृतीला स्वतःच्या खास पद्धतीने घडवण्याच्या आत्मविश्वासातून तयार होते, या विचारावर हा ब्रँड उभा आहे. आजच्या जागतिक भारतीय ग्राहकासाठी तयार केलेली 'द इंडियन एडिट' ही व्हिस्की भारतीय असण्याला अभिमानाचा स्रोत मानून, ती एका प्रीमियम अनुभवात रुपांतरित करते.

या व्हिस्कीमध्ये भारतीय माल्ट आणि ग्रेन स्पिरिट्स फाइन स्कॉच माल्टसोबत मिसळण्यात आले आहेत. व्हॅनिला, कॅरॅमेल आणि सौम्य ओकच्या नोट्स या माल्टसोबत तयार केल्या असून त्यामुळे उब, समृद्धता आणि दीर्घकाळ टिकणारी चव मिळते. या व्हिस्कीचे पॅकेजिंग रोजच्या भारतीय जगण्यातून प्रेरित आहे. भारतीय चलनी नोटांवरून कल्पना घेत बाटलीवर अनेक प्रादेशिक भाषा कोरण्यात आल्या आहेत. लेबल साधे असून त्यावर जुन्या काळातील भारतीय फिरत्या सर्कशीची आठवण करून देणारी विंटेज रचना आहे, तर बाटलीच्या झाकणाची रचना महाराजांच्या मुकुटासारखी दिसते. या सगळ्या तपशिलांतून ब्रँडची भारतीयता ठळकपणे दिसून येते.

एबीडीचे व्यवस्थापकीय संचालक अमर सिन्हा यांनी या लाँचबाबत बोलताना म्हटले, "भारताचे स्पिरिट्स क्षेत्र एका महत्त्वाच्या टप्प्यावर आहे आणि प्रीमियम व्हिस्की याच्या केंद्रस्थानी आहे. ग्राहक आता केवळ मोठ्या प्रमाणात उत्पादन आणि किमतीच्या पलीकडे जाऊन दर्जा, वेगळेपण आणि अधिक प्रगत पिण्याचा अनुभव शोधत आहेत आणि हा बदल वेगाने घडत आहे. 'द इंडियन एडिट' ही या श्रेणीच्या भविष्यातील वाटचालीचे ठाम प्रतिबिंब आहे. भारताच्या प्रीमियमायझेशनच्या प्रवासात केवळ सहभागी न होता आघाडीवर राहण्याची एबीडीची महत्त्वाकांक्षा यातून दिसते. या पुढील टप्प्यातील वाढीचा महत्त्वाचा भाग बनण्यास आम्ही उत्सुक आहोत."

एबीडीचे ग्रुप चीफ मार्केटिंग अँड इनोव्हेशन ऑफिसर बिक्रम बसू यांनी सांगितले, "द इंडियन एडिट प्रीमियम व्हिस्की ही आजच्या भारताचे सौंदर्य टिपते. दृष्टिकोनात अधिकाधिक आधुनिक, जागतिक पातळीवर स्पर्धात्मक, आणि आपल्या प्राचीन संस्कृतीच्या मूळ परंपरा व मूल्यांवर विकसित होणारी. 'द इंडियन' म्हणून मुळांशी जोडलेल्या आणि समकालीन, जागतिक दृष्टिकोन घडवण्याचा आत्मविश्वास असलेल्या व्यक्तीचा हा उत्सव आहे. आजच्या घडीला मूल्य आणि विक्रीच्या दृष्टीने स्पिरिट्स व्यवसायाच्या केंद्रस्थानी हा ब्रँड आहे आणि हा एक मोठे यश ठरवण्याच्या आमच्या क्षमतेवर आम्हाला विश्वास आहे."

भारताच्या प्रीमियम व्हिस्की क्षेत्रात सातत्याने वाढ होत असताना हा लाँच झाला आहे. ग्राहक आता दर्जा, वेगळेपण आणि अधिक प्रगत पिण्याचा अनुभव देणारे ब्रँड शोधत आहेत. 'द इंडियन एडिट' 750 मिली, 500 मिली आणि 180 मिली या आकारांत महाराष्ट्र, दिल्ली, हरियाणा, उत्तर प्रदेश, पंजाब, चंदीगड, राजस्थान, गोवा, दमण आणि तेलंगणा, पश्चिम बंगाल या प्रमुख बाजारपेठांत उपलब्ध असणार आहे, तर इतर बाजारपेठांतही लवकरच विस्तार करण्याचे नियोजन आहे. महाराष्ट्रात 750 मिलीच्या बाटलीची किंमत 1,550 रुपये आहे. राज्यांच्या उत्पादन शुल्क नियम आणि करांनुसार ग्राहक किंमतीत राज्यानुसार फरक असू शकतो.