Walk-in Interview 2026: नॅशनल इन्स्टिट्यूटमध्ये कंत्राटी पदांसाठी भरती जाहीर; थेट मुलाखतीद्वारे होणार निवड
छत्रपती संभाजीनगरच्या NIELIT मध्ये विविध कंत्राटी पदांसाठी भरती निघाली असून २२ आणि २४ सप्टेंबर २०२६ रोजी वॉक-इन इंटरव्ह्यू होणार आहेत.
छायाचित्रे सत्यापित केलेली नाहीत
सरकारी नोकरीच्या शोधात असलेल्या तरुणांसाठी एक चांगली संधी समोर आली आहे. छत्रपती संभाजीनगर इथल्या नॅशनल इन्स्टिट्यूट ऑफ इलेक्ट्रॉनिक्स अँड इन्फॉर्मेशन टेक्नॉलॉजी म्हणजेच NIELIT मध्ये वेगवेगळ्या कंत्राटी पदांसाठी भरतीची जाहिरात प्रसिद्ध झाली आहे. ही संस्था डॉ. बाबासाहेब आंबेडकर मराठवाडा विद्यापीठाच्या कॅम्पसमध्ये आहे. इथल्या रिक्त जागा भरण्यासाठी वॉक-इन इंटरव्ह्यू म्हणजे थेट मुलाखत घेतली जाणार आहे. ही मुलाखत येत्या २२ आणि २४ सप्टेंबर २०२६ रोजी होणार आहे. त्यामुळे ज्यांना अर्ज करायचा आहे त्यांनी लवकरात लवकर अर्ज करावा, असं सांगण्यात आलं आहे.
या भरतीत अनेक प्रकारची पदं भरली जाणार आहेत. यात सहाय्यक प्राध्यापक (संगणक शास्त्र), सहाय्यक प्राध्यापक (गणित), सीनियर प्रोजेक्ट असोसिएट (ड्रोन), प्रोजेक्ट असोसिएट (IoT), मेंटेनन्स इंजिनिअर (सिव्हिल), प्रोजेक्ट असोसिएट (SMAC), प्रोजेक्ट असोसिएट (E&ICT), पर्सनल असिस्टंट, अकाउंट्स असिस्टंट, फॅकल्टी (इलेक्ट्रॉनिक्स), प्रोजेक्ट असोसिएट (IT) आणि प्रोजेक्ट असोसिएट (Lab) अशा पदांचा समावेश आहे. म्हणजे तांत्रिक विषयांपासून ते हिशेबाशी संबंधित कामापर्यंत वेगवेगळ्या क्षेत्रातल्या उमेदवारांना इथे संधी मिळू शकते.
यात तांत्रिक आणि बिगर-तांत्रिक अशा दोन्ही प्रकारच्या पदांवर उमेदवारांची निवड होणार आहे. यातली प्राध्यापकांची पदं असोत किंवा प्रोजेक्ट असोसिएटची पदं असोत, या सगळ्या नियुक्त्या पूर्णपणे तात्पुरत्या स्वरूपाच्या असणार आहेत, म्हणजे कायमस्वरूपी नोकरी नसणार आहे. निवड झालेल्या उमेदवारांना कायमस्वरूपी पगार न देता एकत्रित मानधन दिलं जाणार आहे, असंही सांगण्यात आलं आहे.
NIELIT च्या कार्यकारी संचालकांनी उमेदवारांना आवाहन केलं आहे की, इच्छुक आणि पात्र उमेदवारांनी सविस्तर जाहिरात, पात्रतेचे निकष, मानधन, वयोमर्यादा, मुलाखतीची तारीख आणि वेळ तसंच इतर नियम व अटी जाणून घेण्यासाठी NIELIT छत्रपती संभाजीनगरच्या अधिकृत वेबसाइटला (nielit.gov.in/recruitments/AUR) भेट द्यावी. या वेबसाइटवर संपूर्ण माहिती दिलेली असल्यामुळे उमेदवारांनी अर्ज करण्याआधी ती नीट वाचून घ्यावी, असं सांगण्यात आलं आहे. उच्च शिक्षण घेतलेल्या किंवा तांत्रिक क्षेत्रात अनुभव असलेल्या उमेदवारांसाठी ही एक चांगली संधी आहे, असंही सांगण्यात आलं आहे.
