R Madhavan: शूटिंगमधून वेळ काढत आर. माधवन पोहोचला यूएस ओपनमध्ये; दिग्गजांसोबत घेतला खास अनुभव

पॅन इंडिया स्टार आर. माधवन सध्या त्याच्या कामासोबतच एका वेगळ्याच कारणामुळे चर्चेत आहे. रोजच्या धावपळीच्या शूटिंग शेड्यूलमधून वेळ काढत 'रॉकेट्री' फेम या अभिनेत्याने न्यूयॉर्कमधील यूएस ओपन टेनिस स्पर्धेच्या क्वार्टर फायनल सामन्यांचा प्रत्यक्ष अनुभव घेतला. न्यूयॉर्कमधल्या आर्थर ॲश स्टेडियममध्ये कोर्टसाइड बसून त्याने जागतिक दर्जाच्या टेनिस सामन्यांची मजा लुटली. आपल्या व्यस्त कामाच्या वेळापत्रकातून वेळ काढून त्याने या स्पर्धेला हजेरी लावली, हे विशेष सांगण्यासारखं आहे.

या सामन्यांना हजर असलेला आर. माधवन हा एकमेव भारतीय सेलिब्रिटी होता, असं सांगण्यात आलं आहे. त्याच्यासोबत या खास सामन्यांना ॲना विंटूर, कोलमन डोमिंगो, हुमा अबेदिन, लॅटो, टॉम फेल्टन, एम्मेट स्मिथ, ग्रेस ॲन नाडर, जो कीरी, सुझान लुची, ॲलन ह्युस्टन आणि काल पेन असे दिग्गजही उपस्थित होते. एवढ्या मोठ्या नावांच्या मांदियाळीत आर. माधवनची उपस्थिती स्पर्धेचं महत्त्व अधोरेखित करणारी ठरली.

सिनेसृष्टीतील झगमगाटाव्यतिरिक्त आर. माधवन क्रीडा तसंच इतर विविध क्षेत्रांचाही चाहता म्हणून ओळखला जातो. त्यामुळेच यूएस ओपनसारख्या मानाच्या स्पर्धेतील हा अनुभव त्याच्यासाठी खास ठरला. पडद्यावरच्या भूमिकांव्यतिरिक्त क्रीडाविश्वाशी असलेलं त्याचं हे नातं यानिमित्ताने पुन्हा एकदा समोर आलं.

आर. माधवनने यूएस ओपनमधील आपल्या कोर्टसाइड अनुभवाची झलक सोशल मीडियावर शेअर केली. या व्हिडीओत तो स्टेडियममधलं वातावरण एन्जॉय करताना दिसतो. या अनुभवाबद्दल बोलताना आर. माधवन म्हणाला, "जगातील अव्वल क्रमांकाच्या खेळाडूला यूएस ओपनमध्ये खेळताना पाहण्याची संधी रोज मिळत नाही." त्याच्या या शब्दांतून त्याला हा क्षण किती खास वाटला, हे स्पष्टपणे दिसून येतं.

आर. माधवनसाठी हा फक्त टेनिसचा सामना बघण्याचा अनुभव नव्हता, तर क्रीडाविश्वातल्या एका मोठ्या क्षणाचा प्रत्यक्ष साक्षीदार होण्याची संधी होती. पडद्यावर वेगवेगळ्या भूमिका साकारणारा हा अभिनेता न्यूयॉर्कमध्ये कोर्टच्या बाजूला बसून जागतिक दर्जाचा खेळ बघताना दिसला. एका बाजूला सिनेमाच्या शूटिंगची धावपळ आणि दुसऱ्या बाजूला जागतिक दर्जाच्या टेनिसचा आनंद, अशा दोन्ही गोष्टी त्याने एकाच वेळी सांभाळल्या.

आर. माधवनची कामाची निवड आणि त्याने साकारलेल्या वेगवेगळ्या भूमिकांमुळे भारतासह जगभर त्याची नेहमीच चर्चा होत असते. आता यूएस ओपनमधल्या त्याच्या या खास उपस्थितीमुळे पुन्हा एकदा सगळ्यांचं लक्ष त्याच्याकडे वेधलं गेलं आहे. मेहनत, जिद्द आणि आपल्या आवडत्या क्षेत्राबद्दलचं प्रेम याला कुठलीही सीमा नसते, हेच माधवनच्या या अनुभवातून पुन्हा एकदा दिसून येतं.