Maruti Suzuki Alto K10 च्या काही व्हेरिएंटच्या किमतीत 2,500 रुपयांची वाढ

नवीन कार घ्यायच्या विचारात असलेल्या ग्राहकांसाठी एक महत्त्वाची बातमी समोर आली आहे. देशातील आघाडीची कार कंपनी Maruti Suzuki ने आपल्या संपूर्ण कार रेंजच्या किमतीत बदल केला असून, यात कंपनीची सगळ्यात स्वस्त कार म्हणून ओळखली जाणारी Alto K10 सुद्धा थोडी महाग झाली आहे. मात्र ही दरवाढ Alto K10 च्या सगळ्याच व्हेरिएंटना लागू नाही, तर फक्त काही निवडक व्हेरिएंटच्या किमतीतच किरकोळ वाढ करण्यात आली आहे.

या महिन्यात कंपनीने आपल्या अनेक मॉडेल्सच्या किमती वाढवल्या आहेत. वाढत्या ऑपरेशनल कॉस्टमुळे वाहनांच्या किमतींवर परिणाम झाल्याचं सांगितलं जातंय. Maruti Suzuki सोबतच इतरही अनेक कार कंपन्यांनी आपल्या वेगवेगळ्या मॉडेल्सच्या किमती वाढवल्या आहेत, त्यामुळे नवीन कार घेणाऱ्या ग्राहकांच्या बजेटवर याचा काही प्रमाणात परिणाम होऊ शकतो.

Alto K10 च्या VXi (O) Petrol Manual, LXi (O) CNG, VXi (O) Petrol Automatic आणि VXi (O) CNG या व्हेरिएंटच्या एक्स-शोरूम किमतीत 2,500 रुपयांची वाढ झाली आहे. पण ही दरवाढ होऊनही Alto K10 च्या बेस व्हेरिएंटची किंमत पूर्वीसारखीच ठेवण्यात आली आहे. STD (O) या एंट्री-लेव्हल व्हेरिएंटची एक्स-शोरूम किंमत 3.70 लाख रुपये इतकीच कायम आहे. त्यामुळे दरवाढीनंतरही Alto K10 ही देशातील एंट्री-लेव्हल हॅचबॅक सेगमेंटमधल्या सगळ्यात स्वस्त कारपैकी एक राहते.

Alto K10 च्या टॉप-स्पेक व्हेरिएंटसाठी म्हणजेच VXi Plus (O) Automatic साठी ग्राहकांना आता 5.50 लाख रुपये एक्स-शोरूम किंमत मोजावी लागणार आहे.

पेट्रोलसोबतच Alto K10 मध्ये CNG चा पर्यायही मिळतो, त्यामुळे कमी रनिंग कॉस्टला प्राधान्य देणाऱ्या ग्राहकांसाठी हा एक चांगला पर्याय ठरतो. CNG वर चालणारी कार घेऊ इच्छिणाऱ्यांसाठी Alto K10 मध्ये 2 व्हेरिएंट उपलब्ध आहेत. दरवाढीनंतर LXi (O) CNG व्हेरिएंटची एक्स-शोरूम किंमत 4.85 लाख रुपये झाली आहे, तर VXi (O) CNG व्हेरिएंटची किंमत 5.35 लाख रुपये झाली आहे. यामुळे पेट्रोलसोबत CNG चा पर्याय देणाऱ्या एंट्री-लेव्हल कारच्या रांगेत Alto K10 ग्राहकांना आणखी एक ऑप्शन देते.

किमतीत थोडी वाढ झाली असली तरी Alto K10 ने एंट्री-लेव्हल हॅचबॅक सेगमेंटमधली आपली स्वस्त कारची ओळख कायम ठेवली आहे. ही कार Renault Kwid आणि नुकत्याच अपडेट झालेल्या Tata Tiago facelift सारख्या मॉडेल्सशी स्पर्धा करते. खास बाब म्हणजे Alto K10 च्या निवडक व्हेरिएंटवर झालेली 2,500 रुपयांची वाढ तुलनेने किरकोळ आहे, त्यामुळे कमी बजेटमध्ये नवीन कार घ्यायचा विचार करणाऱ्यांसाठी Alto K10 ची सुरुवातीची किंमत अजूनही 3.70 लाख रुपयेच आहे.

ऑटोमोबाइल कंपन्यांच्या उत्पादन आणि ऑपरेशनल खर्चात वाढ होत असल्यामुळे वाहनांच्या किमतीत बदल होतोय. याच पार्श्वभूमीवर Maruti Suzuki ने या महिन्यात आपल्या संपूर्ण मॉडेल रेंजच्या किमतीत सुधारणा केली आहे. मात्र Alto K10 बाबत कंपनीने सगळेच व्हेरिएंट महाग केलेले नाहीत, फक्त काही ठराविक पेट्रोल आणि CNG व्हेरिएंटच्या किमतीत 2,500 रुपयांची वाढ करण्यात आली आहे. त्यामुळे Alto K10 घ्यायचा विचार करणाऱ्या ग्राहकांनी कार बुक करण्याआधी संबंधित व्हेरिएंटची नवी किंमत आणि ऑन-रोड किंमत तपासून घेणं महत्त्वाचं ठरणार आहे.