Freelander 8 ची चीनमध्ये 19 सप्टेंबरपासून डिलिव्हरी सुरु, लॉन्चनंतर 12 तासांत मिळाले 5000 पेक्षा जास्त ऑर्डर्स
चेरी जग्वार लँड रोव्हरची फ्रीलँडर 8 ही लग्झरी एसयूव्ही सध्या चर्चेत आहे. लग्झरी एसयूव्ही सेगमेंटमध्ये ही गाडी दमदार एन्ट्री करते आहे, असं म्हटलं जातंय. चीनमध्ये 3 सप्टेंबर रोजी लॉन्च झालेल्या या गाडीची अधिकृत डिलिव्हरी 19 सप्टेंबरपासून सुरू होणार आहे. लॉन्च झाल्यानंतर अवघ्या 12 तासांत या गाडीला 5000 पेक्षा जास्त पक्के ऑर्डर्स मिळाले, हे विशेष सांगायला हवं. चीनमध्ये फ्रीलँडर 8 ची किंमत 289,900 ते 379,900 युआन दरम्यान ठेवण्यात आली आहे.
गाडीचं डिझाइन कंपनीच्या बॉक्सी स्टाइलवर बेतलेलं असून ते कॉन्सेप्ट 97 पासून प्रेरित आहे. समोर रेक्टेंगुलर हेडलाइट्स आणि क्लोज्ड-ऑफ फ्रंट दिल्यामुळे गाडीला आधुनिक इलेक्ट्रिक एसयूव्हीसारखा लूक मिळतो. लांबी 5118 mm, रुंदी 2050 mm, उंची 1898 mm आणि व्हीलबेस 3040 mm इतका आहे. केबिनमध्ये 46.3-इंचाचा पॅनोरमिक डिस्प्ले आणि 15.6-इंचाची सेंट्रल स्क्रीन देण्यात आली आहे. दुसऱ्या रोमधल्या जीरो-ग्रॅविटी सीट्समध्ये हीटिंग, व्हेंटिलेशन आणि मसाज फंक्शनही मिळतं. म्हणजेच बाहेरून बॉक्सी दिसणारी ही गाडी आतून मात्र पूर्णपणे आलिशान अनुभव देते.
या एसयूव्हीत रूफ-माउंटेड LiDAR सेंसर असून सगळ्या व्हेरिएंट्समध्ये हुआवेई कियानकून ADS 5.0 ही इंटेलिजेंट ड्रायव्हिंग सिस्टम देण्यात आली आहे. ही सिस्टम क्वालकॉम स्नॅपड्रॅगन 8397 चिपवर चालते. हुआवेईसोबत मिळून तयार केलेली i-ATS इंटेलिजेंट ऑल-टेरेन सिस्टम हेही या गाडीचं एक आकर्षण आहे. यामध्ये 20 टेरेन मोड्स आणि फ्रंट, सेंटर व रिअर लॉकिंग डिफरेंशियल देण्यात आलेत. म्हणजे वेगवेगळ्या रस्त्यांवर आणि परिस्थितीत गाडीला योग्य ते सेटिंग आपोआप मिळू शकतं.
फ्रीलँडर 8 मध्ये 800V हाय-व्होल्टेज रेंज-एक्स्टेंडेड प्लॅटफॉर्म वापरलेला आहे. 60.3 kWh ची कॅटल टर्नरी लिथियम बॅटरी 310 km ची CLTC इलेक्ट्रिक रेंज देते, आणि हीच 800V प्लॅटफॉर्म गाडीला जलद चार्जिंगची सुविधा देते. बॅटरी 20% वरून 80% पर्यंत चार्ज व्हायला फक्त 12 मिनिटं लागतात, असा दावा करण्यात आला आहे. 1.5-लिटर 4-सिलिंडर रेंज एक्स्टेंडर आणि ड्युअल-मोटर फोर-व्हील-ड्राइव्ह सिस्टम मिळून 818 hp पॉवर आणि 813 Nm टॉर्क तयार करतात. 0 पासून 100 km/h पर्यंतचा वेग गाठायला या गाडीला अवघी 4.6 सेकंद लागतात. त्यामुळे लक्झरीसोबत वेग आणि नव्या टेक्नोलॉजीचा दमदार मेळ या गाडीत पाहायला मिळतो.
