बँक ऑफ बडोदाच्या 400 दिवसांच्या FD वर किती व्याज मिळणार, जाणून घ्या दर
बँक ऑफ बडोदाच्या 400 दिवसांच्या खास FD स्कीमवर वयोगटानुसार वेगवेगळे व्याजदर मिळत आहेत, गुंतवणुकीची मर्यादाही मोठी आहे.
बँक ऑफ बडोदा सध्या 7 दिवसांपासून ते 10 वर्षांपर्यंतच्या मुदतीसाठी FD ची सुविधा देत आहे. या FD वर 3.50 टक्क्यांपासून ते 7.35 टक्क्यांपर्यंत व्याज मिळतंय. पण सध्या सगळ्यात जास्त चर्चा सुरू आहे ती बँकेच्या 400 दिवसांच्या स्पेशल FD ची.
या 400 दिवसांच्या FD वर वयानुसार वेगवेगळं व्याज मिळतं. ज्यांचं वय 59 वर्षांपर्यंत आहे, त्यांना 6.25 टक्के व्याज मिळेल. 60 वर्ष किंवा त्यापेक्षा जास्त वय असलेल्या ज्येष्ठ नागरिकांना 6.75 टक्के व्याज दिलं जाणार आहे. तर 80 वर्ष किंवा त्याहून जास्त वय असलेल्या सुपर सिनियर सिटिझन्सना सगळ्यात जास्त म्हणजे 6.85 टक्के व्याज मिळणार आहे. या स्कीममध्ये जास्तीत जास्त 3 कोटी रुपयांपर्यंत रक्कम गुंतवता येते, त्यामुळे मोठी रक्कम असणाऱ्यांसाठीही हा पर्याय उपयोगी आहे.
बँक ऑफ बडोदा नेहमीच ज्येष्ठ नागरिकांसाठी जास्त सवलत देते. सामान्य ग्राहकांपेक्षा ज्येष्ठ नागरिकांना 0.50 टक्के जास्त व्याज मिळतं, तर सुपर सिनियर सिटिझन्सना ज्येष्ठ नागरिकांपेक्षाही 0.10 टक्के जास्त व्याज मिळतं. त्यामुळे वयस्कर मंडळींसाठी ही FD चांगली फायद्याची ठरते.
बँक ऑफ बडोदाने यंदा जून महिन्यातच आपले FD चे व्याजदर बदलले होते. सगळ्या बँका RBI च्या रेपो रेटनुसार आपले व्याजदर ठरवतात, आणि रेपो रेट कमी-जास्त झाला की FD चे दरही बदलतात. त्यामुळे जर FD करायचा विचार असेल तर सध्याची वेळ योग्य मानली जातेय, कारण व्याजदर पुढे कमी होतील की नाही हे आत्ताच सांगता येत नाही.
आजच्या घडीला शेअर मार्केटमध्ये रिस्क खूप जास्त आहे. पैसा कधी वाढेल आणि कधी कमी होईल, हे सांगणं अवघड आहे. पण FD मध्ये गुंतवलेला पैसा पूर्णपणे सुरक्षित राहतो. बँक सरकारी असल्यामुळे टेन्शन घेण्याचं कारण नाही, आणि दर महिन्याला किंवा दर तीन महिन्यांनी व्याजही मिळू शकतं. 400 दिवस म्हणजे साधारण एक वर्ष आणि थोडे जास्त दिवस. ज्यांना जास्त काळ पैसे अडकवायचे नाहीत, पण चांगलं व्याजही हवंय, अशा लोकांसाठी ही स्कीम फायद्याची मानली जातेय.
ही FD उघडायची असेल तर जवळच्या बँक ऑफ बडोदा शाखेत जाऊन चौकशी करता येते, किंवा मोबाईल बँकिंगच्या मदतीने लगेच FD उघडता येते. अधिक माहितीसाठी बँकेच्या वेबसाईटवर जाता येईल.
