शिकागो न्युमॅटिककडून CPS 950-300 एअर कॉम्प्रेसर सादर, ८०० फुटांपर्यंत ड्रिलिंग शक्य

शिकागो न्युमॅटिक इंडिया या कंपनीने त्यांचा नवा CPS 950-300 पोर्टेबल एअर कॉम्प्रेसर बाजारात आणला आहे. वॉटरवेल, मायनिंग आणि सोलर फाऊंडेशन ड्रिलिंगमध्ये सध्या जी वाढती गरज दिसते आहे, ती लक्षात घेऊन हा कॉम्प्रेसर तयार केला गेला आहे. कंपनीच्या म्हणण्यानुसार, चांगली एअर डेलिव्हरी, इंधन बचत आणि कामातली लवचिकता एकत्र आणून हे मशीन कंत्राटदारांना जास्त खोल ड्रिलिंग करायला, प्रकल्प वेळेत पूर्ण करायला आणि नफा वाढवायला मदत करेल.

ड्रिलिंग क्षेत्रात कंत्राटदारांसमोर सध्या अनेक अडचणी आहेत. जमिनीत जास्त खोल जावं लागतं, जमिनीची परिस्थिती कठीण आणि सतत बदलणारी असते, भूजल पातळी खालावलेली आहे, खर्च वाढतोय आणि प्रकल्पासाठी दिलेली वेळमर्यादाही कडक असते. यामुळे कामाचा ताण वाढला आहे. दुसरीकडे सोलर इन्फ्रास्ट्रक्चरचं काम वाढल्यामुळे मोठ्या प्रमाणावर फाऊंडेशन ड्रिलिंगची मागणीही वाढली आहे. त्यामुळे उत्पादकता, अचूकता आणि विश्वासार्हता आधीपेक्षा जास्त महत्त्वाची झाली आहे.

CPS 950-300 हा कॉम्प्रेसर 300 psig वर 950 cfm एअरफ्लो देतो, जो बोरवेल आणि फाऊंडेशन ड्रिलिंगच्या कठीण कामांसाठी लागणारी हवा आणि दाब पुरवतो. यात 10% पर्यंत जास्त इंधन बचत होते, तरीही ड्रिलिंगची कामगिरी आणि होल क्लिनिंग तसंच राहतं. हा कॉम्प्रेसर 800 फूट खोलीपर्यंत ड्रिलिंगसाठी डिझाइन केलेला आहे, त्यामुळे कंत्राटदारांना कमी खर्चात जास्त खोल ड्रिलिंग करता येतं आणि उत्पादकताही चांगली राहते.

या मशीनची माउंटिंग रचना ट्रक आणि एक्सकॅव्हेटर या दोन्हींवर बसवता येईल अशी आहे, त्यामुळे कठीण ठिकाणी नेणं आणि वापरणं सोपं होतं. सिंगल-साइडेड डिझाइनमुळे सर्व्हिस पॉइंट्सपर्यंत पोहोचणं सोपं जातं, त्यामुळे देखभालीचं कामही सुटसुटीत होतं आणि मशीन बंद राहायचा वेळ कमी होतो. इंधन बचतीमुळे कंत्राटदारांचा खर्च कमी होतो. शिवाय प्रभावी होल क्लिनिंग, सातत्यपूर्ण कामगिरी आणि 800 फूट खोलीपर्यंत ड्रिलिंगची क्षमता यामुळे एकूण मालकी खर्च नियंत्रणात राहतो. हा कॉम्प्रेसर वॉटरवेल ड्रिलिंग, कोळसा आणि लोखंड खाणकाम आणि सोलर फाऊंडेशन ड्रिलिंग या तिन्ही कामांसाठी वापरता येतो, त्यामुळे कंत्राटदार वेगवेगळ्या प्रकल्पांत एकच उपकरण वापरून त्यांची सेवा वाढवू शकतात आणि अतिरिक्त उत्पन्न मिळवू शकतात.

या लाँचबद्दल बोलताना ॲटलास कॉप्को (इंडिया) प्रायव्हेट लिमिटेडच्या पॉवर टेक्निक कस्टमर सेंटरचे जनरल मॅनेजर श्री. प्रसन्न कुलकर्णी म्हणाले, "ड्रिलिंगची कामे ही शेवटी उत्पादकता, कार्यक्षमता आणि नफा यावरूनच मोजली जातात. CPS 950-300 हे याच गोष्टींचा विचार करून डिझाइन केले आहे, जे कंत्राटदारांना अधिक प्रभावीपणे काम करण्यासाठी आणि खर्च नियंत्रणात ठेवण्यासाठी आवश्यक असलेली कामगिरी आणि इंधन बचत देते. वॉटरवेल, मायनिंग आणि सोलर फाऊंडेशन ड्रिलिंगमधील याची लवचिकता ग्राहकांना उपकरणांचा जास्तीत जास्त वापर करण्यास आणि नवीन व्यवसायाच्या संधी शोधण्यास सक्षम करते."

एकाच मशीनमधून कंत्राटदारांना वेगवेगळ्या ड्रिलिंग गरजा पूर्ण करण्याची लवचिकता मिळते - जास्त खोल वॉटरवेल ड्रिलिंग आणि कठीण मायनिंग परिस्थितीपासून ते मोठ्या सोलर फाऊंडेशन प्रकल्पांपर्यंत. जास्त खोल ड्रिलिंग, प्रकल्प जलद पूर्ण करणं, इंधनाचा वापर कमी करणं आणि उपकरणांचा जास्तीत जास्त वापर, या सगळ्यांमुळे उत्पादकता वाढते, सेवांचा विस्तार होतो, नफा मजबूत होतो आणि अतिरिक्त उत्पन्नाच्याही संधी मिळतात. विश्वासार्हता, कार्यक्षमता आणि लवचिकता एकत्र आणणारा हा कॉम्प्रेसर कंत्राटदारांना अधिक आव्हानात्मक कामं हाती घेता येण्यासाठी आणि त्यांच्या कामातून चांगला परतावा मिळवण्यासाठी मदत करेल, असा कंपनीचा दावा आहे.