सॅमसंगची २०२६ बिस्पोक एआय अप्लायन्सेस श्रेणी भारतात लाँच

सैमसंग इंडियाने आपली २०२६ बिस्पोक एआय अप्लायन्सेस लाइनअप लाँच केली असून ग्राहकांचे रोजचे जगणे अधिक सोपे आणि सुविधाजनक करणे हा यामागचा उद्देश असल्याचे कंपनीने सांगितले. 'द ब्रीफ गुरुग्राम' या अनुभवात्मक इव्हेण्टमध्ये सॅमसंगने ही श्रेणी सादर केली. या कार्यक्रमात कंपनीने दाखवून दिले की, एआय हे विविध उत्पादन श्रेणींना जोडणारा एक समान धागा बनला आहे. स्मार्टथिंग्स प्लॅटफॉर्मच्या माध्यमातून हवामान नियंत्रण, लाँड्री, लिव्हिंग रुम आणि किचन एकाच परिसंस्थेत जोडले जातात, जी वापरकर्त्यांच्या सवयी शिकून घेते, कामे आपोआप करते आणि ऊर्जेच्या वापरावरही नियंत्रण ठेवते.

नव्या लाइनअपमध्ये सर्वोत्तम टचस्क्रीन, प्रगत व्हॉइस इंटेलिजन्स आणि सर्वसमावेशक डिझाइन देण्यात आले आहे, ज्यामुळे प्रत्येकासाठी कनेक्टेड, वापरायला सोपा आणि सुरक्षित स्मार्ट होम अनुभव मिळतो असा कंपनीचा दावा आहे.

सैमसंग साऊथवेस्ट एशियाचे प्रेसिडंट आणि सीईओ जेबी पार्क यांनी सांगितले की, "आमची २०२६ बिस्पोक एआय श्रेणी विविध जीवनशैली समजून घेण्यासाठी डिझाइन करण्यात आली आहे, ज्यामुळे ही श्रेणी प्रत्यक्ष जीवनातील सुविधा देणारा तुमचा 'एआय होम कंपॅनियन' बनेल. तंत्रज्ञान तुमच्या जीवनशैलीशी जुळवून घेईल असे 'एआय होम' तयार करणे हे सॅमसंगचे उद्दिष्ट आहे. घरे अधिक स्मार्ट, सुरक्षित आणि माणसाला केंद्रस्थानी ठेवणारी बनवण्यासाठी आमचे बिस्पोक एआय अप्लायन्सेस एआय व्हिजन, सैमसंग नॉक्स सोल्यूशन आणि सर्वसमावेशक रचनेसह येतात. भारतात आज विकले जाणारे सॅमसंगचे प्रत्येक दुसरे अप्लायन्स हे बिस्पोक एआय अप्लायन्स आहे आणि आम्हाला विश्वास आहे की, आमच्या नवीन लाइनअपला ग्राहकांचे प्रेम आणि पाठबळ असेच मिळत राहील."

या लाइनअपमधील फॅमिली हब रेफ्रिजरेटरमध्ये गूगल जेमिनीद्वारे चालणारे 'एआय व्हिजन' तंत्रज्ञान देण्यात आले आहे, जे व्हिडिओ-टू-रेसिपीसारखे संदर्भाधारित एआय अनुभव देते. यातील ३२-इंची स्क्रीन नोट्स, वेळापत्रके आणि मनोरंजनासाठी घरातील मध्यवर्ती केंद्र म्हणून काम करतो, तसेच यात फॅमिली केअर आणि पेट केअर सारख्या स्थानिक गरजांनुसार खास वैशिष्ट्ये देण्यात आली आहेत.

या श्रेणीतील बिस्पोक एआय विंडफ्री प्रो एअर कंडिशनर हा नेक्स्ट-जनरेशन प्लॅटफॉर्म असून एआय-सक्षम नियंत्रणांसह पीएम १.० प्युरिफिकेशन सुविधेद्वारे उत्तम हवेची गुणवत्ता देतो. स्मार्टथिंग्स आणि होम अप्लायन्स रिमोट मॅनेजमेंट (एचआरएम) द्वारे गरजेनुसार विस्तारता येईल असे हवामान व्यवस्थापनही यात शक्य आहे.

आधुनिक लिव्हिंग स्पेससाठी बनवलेला इन्फिनिट १-वे कॅसेट एसी (विंडफ्रीसह) ९ लाइट मोड्ससह आकर्षक एज लाइटिंग देतो. याची विंडफ्री कूलिंग सिस्टम १७,२०० मायक्रो-होल्सद्वारे थेट अंगावर गार वारा न टाकता खोली प्रभावीपणे थंड करते. फक्त १३.८ सेंटीमीटर डेप्थचे अल्ट्रा स्लिम प्रोफाइल असलेला हा एसी टिकाऊ एएसए (अॅक्रिलोनायट्रिल स्टायरीन अॅक्रिलेट) मटेरियलपासून बनवला गेला आहे. याशिवाय स्मार्टथिंग्स नियंत्रण, एआय कम्फर्ट मोड आणि इंटरटेक प्रमाणित अँटीबॅक्टेरियल कॉपर फिल्टर यांसारखी वैशिष्ट्ये या एसीला अधिक कार्यक्षम बनवतात.