महाराष्ट्रात मुसळधार पाऊस आणि वादळी वाऱ्याचा इशारा; वाचा 18 ते 20 सप्टेंबरचा हवामान अंदाज
हवामान विभागाने पुढील तीन दिवसांसाठी राज्यातील विविध विभागांत पावसाचा सुधारित अंदाज दिला आहे.
राज्यात मान्सूनचा जोर अजूनही टिकून असून, हवामान विभागाने दिलेल्या सुधारित अंदाजानुसार पुढील तीन दिवसांत म्हणजे 18 ते 20 सप्टेंबर या काळात राज्यातील वेगवेगळ्या विभागांत पाऊस पडण्याची शक्यता वर्तवण्यात आली आहे. यात उत्तर मध्य महाराष्ट्र आणि मराठवाड्यात सोसाट्याचा वारा आणि विजांच्या कडकडाटासह पाऊस पडण्याची शक्यता विशेषत्वाने सांगण्यात आली आहे.
18 सप्टेंबरला उत्तर मध्य महाराष्ट्र आणि मराठवाड्यातील काही भागांत ताशी 30 ते 40 किलोमीटर वेगाने वारा वाहण्याची शक्यता आहे. या भागांत तुरळक ठिकाणी मेघगर्जनेसह हलका ते मध्यम पाऊस पडू शकतो. याशिवाय कोकणातील काही जिल्ह्यांत आणि मध्य महाराष्ट्र तसेच मराठवाड्यातील तुरळक भागांतही हलका पाऊस पडण्याची शक्यता आहे. विभागवार पाहायचं झालं तर कोकणात काही ठिकाणी पाऊस पडू शकतो, तसेच तुरळक ठिकाणी मेघगर्जना, विजांचा कडकडाट आणि सोसाट्याचा वारा वाहू शकतो. मध्य महाराष्ट्र, मराठवाडा आणि विदर्भात तुरळक ठिकाणी पाऊस पडण्याची शक्यता वर्तवण्यात आली आहे.
19 सप्टेंबरला दक्षिण कोकण-गोवा भागातील काही ठिकाणी आणि उत्तर कोकण, मध्य महाराष्ट्र व मराठवाड्यातील तुरळक ठिकाणी हलका पाऊस पडण्याची दाट शक्यता वर्तवण्यात आली आहे. या दिवशीही कोकणात काही ठिकाणी, तर मध्य महाराष्ट्र, मराठवाडा आणि विदर्भात तुरळक ठिकाणी पाऊस पडण्याचा अंदाज आहे.
20 सप्टेंबरला दक्षिण कोकण-गोवा भागात अनेक ठिकाणी, दक्षिण मध्य महाराष्ट्र आणि मराठवाड्यात काही ठिकाणी, तर उत्तर कोकण आणि उत्तर मध्य महाराष्ट्रात तुरळक ठिकाणी हलका पाऊस पडण्याची दाट शक्यता आहे. या दिवशी कोकणात बऱ्याच ठिकाणी पाऊस पडू शकतो. मध्य महाराष्ट्र आणि मराठवाड्यात काही ठिकाणी पाऊस पडेल, तसेच तुरळक ठिकाणी मेघगर्जनेसह विजांचा कडकडाट आणि सोसाट्याचा वारा वाहण्याची शक्यता आहे. विदर्भातही काही ठिकाणी पाऊस पडण्याचा अंदाज वर्तवण्यात आला आहे.
हवामान विभागाने दिलेल्या या तीन दिवसांच्या अंदाजात राज्यातील कोकण, मध्य महाराष्ट्र, मराठवाडा आणि विदर्भ या चार विभागांचा स्वतंत्रपणे उल्लेख करण्यात आला आहे. उत्तर मध्य महाराष्ट्र आणि मराठवाड्यात सोसाट्याचा वारा आणि मेघगर्जनेसह पाऊस पडण्याची शक्यता या तीन दिवसांत सलग नमूद करण्यात आली असून, दक्षिण कोकण-गोवा भागात 20 सप्टेंबरला अनेक ठिकाणी पावसाचा जोर वाढण्याचा अंदाज आहे.
हवामान विभागाने दिलेल्या या अंदाजाच्या पार्श्वभूमीवर शेतकऱ्यांनी शेतीची कामं करताना योग्य ती काळजी घ्यावी, असं आवाहन करण्यात आलं आहे. तसंच विजांचा कडकडाट सुरू असताना नागरिकांनी सुरक्षित ठिकाणी आश्रय घ्यावा, असंही सांगण्यात आलं आहे.
