अंबानींच्या गणपती उत्सवातले सेलिब्रिटी लूक्स कमी बजेटमध्येही करता येतात रिक्रिएट
अँटिलियाच्या गणपती उत्सवात कतरिना कैफ, कियारा अडवाणी, क्रिती सेनॉनसह अनेक सेलिब्रिटींनी फेस्टिव्ह लुक्सनी लक्ष वेधलं. हेच महागडे डिझायनर लूक्स कमी खर्चातही सहज मिळवता येतात.
अंबानी कुटुंबाचा दरवर्षीचा गणपती उत्सव फॅशनच्या बाबतीतही एखाद्या मोठ्या इव्हेंटपेक्षा कमी नसतो. बॉलिवूडमधील अनेक मोठी नावं यंदाही खास फेस्टिव्ह लुकमध्ये या सोहळ्यात सहभागी झाली होती. एलिगंट अनारकली, ड्रीमी पेस्टल साड्या, हेवी एम्ब्रॉयडरी केलेले लेहेंगा आणि क्लासिक सिल्क ड्रेप्स अशा वेगवेगळ्या स्टाइल्सना सेलिब्रिटींनी यंदा पसंती दिली.
कतरिना कैफनं सॉफ्ट टोनच्या अनारकलीसोबत व्हायब्रंट आणि एम्ब्रॉयडर्ड दुपट्टा तसंच स्टेटमेंट ज्वेलरी घालून साधा पण फेस्टिव्ह लूक निवडला होता. फार जास्त एम्बेलिशमेंट नसतानाही हा लूक उठून दिसत होता. हा लूक घरच्या घरी करायचा असेल तर पेस्टल किंवा म्युटेड ग्रीन शेडमधली फ्लोई अनारकली आणि त्यावर रंगीबेरंगी दुपट्टा पेअर करता येईल.
कियारा अडवाणीनं पेस्टल पिंक चंदेरी साडी आणि स्टेटमेंट ज्वेलरीसह सॉफ्ट आणि फेमिनिन लूक कॅरी केला. अंडरस्टेटेड बॉलिवूड ग्लॅमर आवडणाऱ्यांसाठी हा लूक चांगला पर्याय आहे. हे रिक्रिएट करायचं झाल्यास ब्लश-पिंक किंवा पेस्टल चंदेरी स्टाइलची साडी नाजूक डिटेलिंगसोबत आणि एम्ब्रॉयडर्ड ब्लाउजसोबत घालता येईल.
करीना कपूर खाननं सुंदर यलो अनारकली आणि एलिगंट ज्वेलरीनं गणपती सेलिब्रेशनमध्ये रंग भरला. हा व्हायब्रंट रंग फेस्टिव्ह सीझनसाठी सहज रिक्रिएट करता येतो, त्यासाठी ब्राइट यलो किंवा मस्टर्ड रंगाचा फ्लोई सिल्हूट असलेला सूट आणि साध्या अॅक्सेसरीज पुरेशा आहेत.
नीता अंबानी यांनी पिंक आणि ऑरेंज ओम्ब्रे साडीत आकर्षक फेस्टिव्ह कलर पॅलेट निवडलं. योग्य रंगांची निवड केली तर वेगळ्या स्टायलिंगची फार गरज पडत नाही, हे यातून दिसलं. पिंकपासून ऑरेंजपर्यंत ग्रेडिएंट असलेली हलकी ओम्ब्रे साडी पारंपरिक ज्वेलरी आणि साध्या ब्लाउजसोबत घातली की हा लूक मिळतो.
शनाया कपूरनं इंट्रिकेट एम्ब्रॉयडरी असलेल्या रिच पर्पल लेहेंग्यात स्टेटमेंट लूक सादर केला. वॉर्डरोबमध्ये थोडा ग्लॅमर आणि ड्रामा हवा असेल तर ज्वेल-टोन्ड पर्पल रंगाचा एम्ब्रॉयडरी किंवा वुव्हन डिटेलिंग असलेला लेहेंगा घेता येईल आणि बाकीचं स्टायलिंग साधं ठेवता येईल.
अनन्या पांडेनं स्टेटमेंट एम्ब्रॉयडरी असलेल्या फेस्टिव्ह यलो साडीत ब्राइट रंगाला आकर्षणाचा केंद्रबिंदू बनवलं. पारंपरिक सिल्हूटसोबत युथफुल आणि ग्लॅमरस लूक हवा असणाऱ्यांसाठी एम्ब्रॉयडरी, सिक्विन्स किंवा स्टोनवर्क असलेली ब्राइट यलो साडी आणि कंटेम्पररी ब्लाउज हा पर्याय ठरू शकतो.
काजोलनं क्लासिक सिल्क साडीत आपला लूक पारंपरिक आणि एलिगंट ठेवला, पारंपरिक भारतीय विणकामाची फॅशन कधीही कालबाह्य होत नाही हे तिनं पुन्हा दाखवून दिलं. साधेपणाला प्राधान्य देणाऱ्यांसाठी क्लासिक रंगातली रिच सिल्क साडी पारंपरिक ज्वेलरी आणि स्लीक ब्लाउजसोबत स्टाइल करता येईल.
क्रिती सेनॉननं स्ट्रायकिंग पर्पल साडीत फेस्टिव्ह वॉर्डरोबला ग्लॅमरस टच दिला. ज्वेल-टोन्ड रंगामुळे लूक आकर्षक दिसतो, तर पारंपरिक साडीचा सिल्हूट क्लासिक टच कायम ठेवतो. हलका शिमर, वुव्हन डिटेलिंग किंवा एम्बेलिशमेंट असलेली पर्पल साडी घेतली की हा लूकही मिळवता येतो.
अंबानींच्या गणपती सेलिब्रेशनमधील सेलिब्रिटींसारखा फेस्टिव्ह लूक मिळवण्यासाठी मोठं बजेट असण्याची गरज नाही. कतरिनाच्या अंडरस्टेटेड अनारकलीपासून कियाराच्या पेस्टल साडीपर्यंत, करीनाच्या व्हायब्रंट यलो लूकपासून शनायाच्या स्टेटमेंट लेहेंग्यापर्यंत किंवा काजोलच्या टाइमलेस सिल्क ड्रेपपर्यंत, आवडीचा एक खास घटक निवडून त्याभोवती संपूर्ण फेस्टिव्ह लूक उभा करता येतो.
