Viral Video: चमचा की चॉपस्टिक? बिर्याणी खाण्यासाठी चायनीज महिलेचा भन्नाट जुगाड, नेटकरी हसून लोटपोट

भारतातलं जेवण म्हणजे नुसती चव नाही, तर एक वेगळाच अनुभव असतो. वेगवेगळे मसाले, वेगवेगळे पदार्थ आणि त्यांचा खमंग वास यामुळे भारतीय खाद्यसंस्कृतीची जगभर चर्चा होते. भारतात मिळणारे विविध प्रकारचे खाद्यपदार्थ आणि पेये त्यांच्या उत्कृष्ट चवीसाठी आणि सुगंधासाठी जगभर प्रसिद्ध आहेत. आता याच खाद्यसंस्कृतीचा अनुभव घेताना एका चायनीज महिलेचा व्हिडिओ सोशल मीडियावर एकदम हिट झालाय.

या महिलेने पहिल्यांदाच भारतीय जेवण, म्हणजे बिर्याणी चाखली आणि हा क्षण तिने स्वतःच सोशल मीडियावर शेअर केला. पण या व्हिडिओत लोकांचं लक्ष वेधलं ते तिच्या जेवायच्या पद्धतीने. बिर्याणीचं ताट समोर आल्यावर ती महिला एकदम खूश दिसते, पण चमचा हातात घेतल्यावर मात्र गंमत सुरू होते.

चीनमध्ये लोक जेवताना बहुतांश वेळा चॉपस्टिक्स वापरतात, त्यामुळे चमच्याने जेवणं तिला जरा वेगळंच आणि विचित्र वाटतं. साहजिकच, या महिलेलाही चमच्याने खाण्याची सवय आहे, आणि याच सवयीमुळे तिने चमचा सरळ धरण्याऐवजी वेगळीच शक्कल लढवली. तिने दोन चमचे उलटे धरले आणि त्यांचा वापर अगदी चॉपस्टिक्ससारखा करत भात उचलायला सुरुवात केली. भाताचा एकेक घास उचलण्यासाठी तिने या दोन चमच्यांची जोडी चक्क चॉपस्टिक्ससारखी वापरली आणि आरामात बिर्याणीचा आस्वाद घेतला.

तिची ही अनोखी स्टाईल पाहून नेटकरी अक्षरशः हसून हसून बेजार झाले. हा व्हिडिओ Instagram वर Kate Hu या युजरने शेअर केला असून तो प्रचंड व्हायरल झालाय. व्हिडिओ पाहिल्यावर कमेंट्सचा पाऊस पडला, त्यातल्या अनेक कमेंट्स एकदम मजेशीर होत्या.

एका युजरने गंमतीने लिहिलं, तुमच्याकडे चायनीज बिर्याणी आहे का, कारण आमच्याकडे इंडियन चायनीज फूड आहे. दुसऱ्या एकाने लिहिलं, मला चॉपस्टिक्स खूपच आवडतात. आणखी एका युजरने भारत आणि चीन या दोन शेजारी देशांमधल्या नात्याबद्दल लिहिताना म्हटलं की, हे दोन्ही देश आपली हजारो वर्षांची संस्कृती प्रेमानेच जपत आलेत. बौद्ध धर्म आणि प्राचीन व्यापारामुळे हे दोन्ही देश जोडले गेले असून कोलकात्यात चिनी समुदायाची स्वतःची खाद्य बाजारपेठसुद्धा आहे, असंही त्याने नमूद केलं. दुसरीकडे एका युजरने खोचकपणे लिहिलं, तू चिनी आहेस की मूर्ख, चिनी लोक तर हुशार असतात.

एकंदरीत या महिलेच्या बिर्याणी खाण्याच्या या अनोख्या स्टाईलने सोशल मीडियावर सध्या धुमाकूळ घातला असून हा व्हिडिओ पाहणाऱ्या प्रत्येकाला हसू आवरत नाहीये.